華裔時裝設計師VivienneTam昨日出席一化妝品活動時，提到早前逝世的梅艷芳，她表示自己亦是阿梅的fans，今次返美前要在港搜購阿梅的CD及VCD，更讚阿梅演繹性感服裝時，揮灑自如，有創意、有膽識和有台型，令她印象最深刻。
在國際時裝界打響名堂的華裔時裝設計師VivienneTam（譚燕玉）、名模李嘉慧、周汶錡及郭錦恩等，昨日往香港仔深灣遊艇會出席植村秀二○○四春夏化妝示範活動，新妝以「AsianParadise」為創作靈感，布滿熱情的鮮花水果色調。
在港土生土長、現以美國紐約為事業基地的VivienneTam今趟回港取靈感，昨日提到早前逝世的梅艷芳，大表惋惜及欣賞，她說：「阿梅無論唱歌同演戲都咁有味道，我最鍾意佢嘅《胭脂扣》同《似水流年》，我今次返美國前，一定要買齊佢嘅CD同VCD，返美國慢慢煲。」
對於梅艷芳的穿衣風格品味，VivienneTam亦讚不絕口，她說：「佢係一流嘅衣架，歷年嚟carry嘅衫都好有創意同影響力，我最深印象係佢着劉培基幫佢設計嘅婚紗，好有味道。而佢着性感衫時一啲都冇忸忸怩怩，依然可以喺台上大動作演出，有膽識、有台型。」
此外，昨日多位名模對日前有狂徒火燒地鐵的新聞大表關注，李嘉慧說：「我都有坐地鐵，多數去中環，次次都會坐車頭位置㖭，因為近置地廣場出口嘛，不過意外嘅嘢係想避都冇得避嘅。」
李嘉慧又透露正幫《Amy》雜誌寫稿，覺得很新鮮有趣，問她下一步是否想加入才女行列？她說：「有排都未到呢個階段啦。」
採訪、攝影：DebbieLum
