鄭伊健一向對新科技產品有興趣，趁農曆新年將至，昨日他以五位數字掃貨，買了一部自動抹地機及吸塵機作大掃除之用，實行刺激消費兼支持創意工業。
農曆新年將至，鄭伊健昨日趁空檔到銅鑼灣時代廣場的JCSHOP買禮物給自己及家人，伊健一向喜歡新科技產品，他在店內逗留了一個多小時，搜羅多樣新產品，結果滿載而歸。
伊健花了五位數字掃貨，他首先買一部價值二千多元的自動吸塵機、八百多元的抹地機及一個麻雀遊戲機給母親，他說：「呢兩部機最啱我媽咪用嚟大掃除，部機自己行嚟行去，塊地就乾淨晒，都幾得意。同埋媽咪好鍾意打麻雀，我覺得老人家打麻雀可以訓練個腦，起碼冇咁易有老人癡呆。」
明年是猴年，伊健亦買了一個發聲猴玩具應節。當他見到一部減肥步行車時，更猶如大細路般急不及待在商場內試玩，之後又買了一塊有燈的鏡送給朋友，方便開工時在車上化妝之用，未知會否是送給女友梁詠琪呢？
伊健向來給人愛玩的感覺，他表示自己其實是支持創意工業，他說：「我不嬲都唔鍾意去蒲，我多數鍾意請啲朋友返屋企玩，尤其係交流吓啲新發現嘅嘢，我好尊重啲發明家，起碼佢哋有嗰種創新精神，雖然有啲發明幾無聊，但係都得啖笑呀。」
伊健近日剛拍完賀歲片《見習黑玫瑰》，他在戲中與機械人有不少對手戲，伊健表示有賴平日多了解新科技產品，他說：「我喺戲中有好多個搞笑嘅造型，同機械人做對手戲都係用多啲幻想力囉！」
採訪、攝影：卓美娟
