【本報訊】新界鄉議局主席劉皇發昨日率眾到沙田車公廟還神，酬謝車公庇佑市民度過沙士災劫。但有車公廟職員暗自表態，不想去年為市民求得下下籤的民政事務局局長何志平及不得民心的特首董建華踏足車公廟為民祈福，以免又求得下下籤，令香港再受煎熬。
按照曆日，昨日既是尾禡，也是祭祀吉日。劉皇發擇定清晨八時吉時，率同鄉議局成員到車公廟拜祭，酬謝神恩。劉皇發表示，去年三月下旬，因爆發沙士瘟疫，曾到車公廟祈求驅走疫症，市民至今總算度過災劫，因此率眾答謝神恩。
在酬神後被問及對特首董建華施政報告的期望時，他慨歎「董先生講咁多嘢，有邊件實現㗎。佢應該要實事求是，付諸實行先係。施政報告，聽就即管聽，我諗都唔會有新鮮嘢。」
有車公廟職員稱：「民政事務局局長何志平係黑仔，所以早前先同市民求到條下下籤。唔到你唔信，結果跟住就爆發沙士瘟疫；至於董建華得唔到民心，算係時運低。佢兩個千祈唔好再踏足車公廟，免得又同市民求到下下籤，令香港再受煎熬，又搞到佢哋嘅民望指數剩番得幾分。」