班仔搵命博險葬地鐵
吳宇森講新片驚險連場

吳宇森日前回港為新作《致命報酬》宣傳，他盛讚主角班亞弗力演出很搏命，在一次逃命場面中，班仔充份表演出其膽識，險葬地鐵；而女主角奧瑪花曼則是一位很聰明的演員。

吳宇森導演、班亞弗力（BenAffleck）與奧瑪花曼（UmaThurman）主演的《致命報酬》將於本月二十二日賀歲檔期上映，吳宇森專程回港宣傳及出席首映禮。
現時貴為荷李活一級導演的吳宇森，拍片製作成本愈來愈大，相對地他的壓力也是日益增加；不過，吳宇森形容影片口碑好時，他會感到很大安慰。拍攝《致》片期間，他大讚奧瑪花曼聰明，班仔則夠搏命。

主動「來多次」
吳宇森的電影總離不開動作場面，在《致》片有一場逃命場面，班仔險成地鐵亡魂，為求逼真，吳宇森在地鐵實景拍攝，不過地鐵車廂就要靠大貨車來拖行，吳宇森說：「當日拍呢場戲，我真係好難忘，因為架車煞唔到掣，係咁衝埋去阿Ben度，好彩阿Ben身手好，避得及時。佢真係好專業，重問我使唔使再嚟多次，咁我話真係要嚟多次，不過安全措施要做足先拍。」

讚奧瑪聰明
吳宇森又表示奧瑪花曼在現場主動地提出意見，他笑說：「有一個動作鏡頭，我要佢同啲壞人對打，佢就提議話想用士巴拿嚟打啲對手，咁我話冇問題就批准佢去做，我覺得佢幾聰明，一定前途無限。」
採訪：何永寧