向來備受商賈富豪追捧嘅凌志LS430豪華房車，升級新版終在日前抵港；新車除造型略有改動之餘，廠方更特別為其增設有多項新裝備，除令新車變得更具吸引力外，亦能大大提高行車安全性呢！
新車售價：$742,000
車輛提供：皇冠汽車（25119430）
呢部升級新版凌志LS430，整體外形雖沒有多大改動，但當細心留意下，不難察覺頭尾泵把、鬼面罩、合金胎軨、尾燈等皆屬全新設計，望落除予人一份新鮮感外，一組新款頭燈更加入有AFS人工智能轉向照明系統，可隨着汽車嘅轉彎角度及車速，而自動調校照射角度，從而令晚間駕駛時，所見嘅路面範圍會更廣闊及清晰，大大提高咗行車嘅安全性。
然而，新車另一個惹人注目嘅地方，會係新換裝嘅一套6前速SuperECT自動波箱，匹配一台輸出強勁嘅4.3公升V8VVT-i引擎，起跑加速表現較舊有型號來得更敏捷；另外，新車除更加入有多個獨立照明系統外，兼備有共10個安全氣袋配搭，以確保車上乘客安全，而全新智能車匙系統，更能為你帶來不少方便㖭！
