自已做：
偷位收納毛巾被出得廳堂變咕𠱸

重有十幾日就過新年，依時間序，要𠝹水仙嘅早已「出手」，要打掃地方、收納家居，𠵱家就係時候。皆因之後重有貼揮春、做賀年食品等一籮籮事要做！時間實在緊迫，所以要醒目地學識點偷位。今日就先收拾睡房和客廳！

記者：李玉蘭　攝影：蔡鴻雯
ImagePeople：Linda、熹熹（RichStrategyLtd.）

睡房篇
收拾被、衫有妙法
睡房面積細，一大籮衫以外，重有夏天的冷氣被、毛巾被等大量衣物，加上毋須經常見人，混亂程度分分鐘比客廳有過之而無不及。但在歸納而言，要執拾的主要是被和衫，不妨參考下列方法。

摺埋毛巾被變大咕𠱸
誰說收納就是要將東西摺埋不見天日？當迫爆衣櫃時，索性將櫃內大件的夏天毛巾被拿出來，以騰空更多位置放衫褲。咁件被點算？略施小計將它作咕𠱸用，放在房間窗台甚至擺出廳都得。

方法：
先將毛巾被捲好，再用絲巾一併捲起。於絲巾兩端打結，就成為一個可以收納衣物嘅咕𠱸。甚至是將未捨得丟的舊衫，放在現成咕𠱸套內，那就收得神不知鬼不覺！

腸粉摺衫法最慳位
說到一般的衫褲，最慳位的方法，莫過於將衫捲起，才放進櫃桶。為免弄皺，宜依以下方法慢慢摺。

方法：
將衫反轉平放，左右平衡對摺。再略略對摺成方形，然後捲成筒狀，垂直放入櫃筒內。

靚衫加個舊衫套
較為貴價的衫褲，不宜如腸粉般那樣捲埋的話，就只有把它掛起。方法有二：

客廳篇
為雜物整間「靚屋企」
客廳係最多親朋踩場嘅地方，而最難對付的是各種各樣零碎雜物，好似大堆雜誌、CD等等。不如幫佢哋做間「靚屋企」，收起四散的物件，令家居變得既整齊又見使！

舊盒做鞋架
過時過節，買吓新嘢執吓舊嘢，總會有一些紙皮箱。稍加裁剪修飾，便可成為輕便鞋架。不但可將屋企的鞋收拾整齊，更方便人客到來拜年時擺放。

方法：
𠝹走紙箱其中一邊側面後，用膠紙或膠水將二、三個紙箱黏合。最後包上花布（$10一幅）。甚至可裁剪舊衫，剪成一小塊，然後縫合，環保又有特色。