葉麗儀早前完成了與香港管弦樂團在文化中心舉行的演唱會後，前晚在尖沙嘴出席演唱會的慶功宴，她和丈夫恩愛亮相，二人更嘴對嘴讓記者拍照。
葉麗儀表示是次跟管弦樂團合作愉快，她說：「呢次合作係一年前計劃，好開心。」
對於梅艷芳病逝，葉麗儀感到惋惜，她說：「我雖然同佢唔熟，但係聽到佢嘅死訊時都好可惜，由佢宣布患癌症時，我睇到消息都嚇一跳，點解咁快就走咗，我覺得真係應該病向淺中醫。睇完劉培基講嘅嘢之後，我好明白阿梅見過家姐點接受化療，佢好知道嗰種辛苦。」
葉麗儀曾患乳癌，深深體會抗癌的艱辛，她說：「當年好彩我有囝囝、老公同哥哥嘅支持，佢哋成日都嚟醫院陪住我，家人支持係好重要，驗身亦好重要。」
採訪、攝影：楊潔雯