新車到港嘅浪潮，可謂一浪緊接一浪，繼法國同德國車之後，另一邊廂嘅英國賓利（Bentley），早前亞Mark曾經話過，代理有意引入全球至豪華嘅長陣轎車ArnageLimousine，呢部身價過千萬港元嘅車款，香港車迷終於有機會睇到佢嘅風采喇！事關代理商響下周二（1月13日），會喺淺水灣搞個新聞發布會，同場重有一款唔少車迷及準買家期待已久嘅ContinentalGT跑車㖭！
雖然呢款超級跑車到港日期一再延遲，惟亞Mark聞得代理經已準備就緒，有望響年中前，會陸續運抵香港交赴客人手上㗎！今趟發布會，代理亦順道安排俾班買家睇吓部GT跑車嘅真身，順便會向班商賈富豪Sell吓部ArnageLimousine嘅矜貴之處，皆因佢係全人手製作兼產量有限，就算有錢都未必有現貨供應㗎！