Twins前日在紅館舉行尾場演唱會，二人在台上聲淚俱下地表示恐怕要拆夥。而李克勤前晚擔任表演嘉賓時，被鍾欣桐稱為叔叔，不過蔡卓妍卻更正克勤只是哥哥，譚詠麟才是叔叔。
二人組合Twins在紅館舉行一連五場演唱會，前日已圓滿落幕，成員鍾欣桐（阿嬌）和蔡卓妍（阿Sa）依然又唱又跳，博得觀眾熱烈反應。當晚除Boy'Z及吳浩康外，還請來李克勤擔任表演嘉賓。而楊受成夫婦、3T、2R、黃玉郎一家及張玉珊等，均有往捧場。
前晚阿Sa在演唱會尾聲時，忽感觸地說：「好唔捨得，近排有好多傳聞話Twins會拆夥，演唱會之後就分開，我好驚呀！拆開咗就唔知有冇機會再出碟，我好驚得番自己一個人，大家都習慣咗大家，得自己一個都唔知撐唔撐得住，如果一齊冇人支持就拆啦，好少有組合可以三年咁耐。」而阿嬌則說：「我好感動，一直有咁多人錫我哋。」阿Sa又謂：「係囉！不停有人畀嘢我哋做，我怕出年冇咁嘅機會。」說罷二人都眼濕濕，惹得觀眾大叫連連。
但到慶功宴時，阿Sa卻表示不會拆夥，她說：「我之前係好驚，但𠵱家唔怕啦，個個講到似層層咁，但公司話唔會呀。」阿Sa謂演唱會結束後，會狂吃辣和甜的東西及狂喝汽水滿足自己。
此外，李克勤前晚出場時，被阿嬌稱為「克勤叔叔」，阿Sa即笑說：「呢個叫哥哥，佢另外嗰個partner（指譚詠麟）先叫叔叔。」事後阿Sa說：「克勤對我哋好好，人前人後不停讚我哋，當初唔係咁多人認同我哋時，克勤都畀好多鼓勵我哋。」
阿Sa又表示本有意邀請謝賢及胡楓一對「老Twins」任嘉賓，但怕胡楓會太辛苦才作罷，不過胡楓前晚也有到場欣賞演唱會。
採訪：胡比
攝影：仇志德
