曹敏莉-5℃瞓地驚到喊

無綫主辦的「2004年度國際華裔小姐競選」一班候選佳麗，昨日到大連人民公園與楊千嬅拍攝外景，雖然氣溫只有攝氏零下五度，但眾佳麗仍要穿上運動衫瞓在草地上與千嬅拍攝歌曲《小星星》MV。

食話梅冇事
沒料到其間香港代表17號曹敏莉竟突然落淚，令人以為她因抵受不住寒冷天氣而哭，曹敏莉之後解釋並非因天氣寒冷而落淚，而是很怕草地，她說：「我細細個已經好怕草地，呢個係心理上問題，平時我唔會踩落草地，不過後來保母畀咗粒話梅我食，已經冇乜事。」

被同伴嘲笑
可能曹敏莉太激動，紐約佳麗18號冼麗欣竟禁不住寸曹敏莉說：「都唔係好凍啫，我好鍾意瞓草地，不知幾咁舒服，又暖又冧，其實今日算好舒服，又唔使郁嚟郁去，凍就一定會凍㗎啦，咪當係曬太陽囉！」
另外，新加坡佳麗15號王會嫺因下身太緊而現形，翻版常盤貴子、洛杉磯佳麗8號徐靜潔則未懼寒冷，狀態大勇。