區議會選舉過咗個幾月，話咁快立法會選舉又嚟緊，有心參選嘅人近呢個月都密密推出街板，爭取介紹自己畀選民認識。不過為咗抹黑對手，蠱惑招數都有唔少，好似八方噚日返工路過將軍澳，就見到白鴿黨第二梯隊范國威嘅街板，原本好普通，只係嗰啲成功爭取乜乜物物嘅嘢，但奇就奇在隔籬有張大字條，寫住「立法會議席非我誰屬」！
唔係哇，贏咗一個小小區議會就咁囂張？范國威馬上呼冤，佢話好多街坊噚日都打電話話佢，但佢其實俾人整蠱，因為自己重諗緊選唔選，又點會話贏梗。故事話畀大家知，要害一個人唔使鬧，屈你自己讚自己原來重弊。
（圖）白鴿黨范國威噚日俾人大整蠱，橫額隔籬俾人加上「非我誰屬」另類語句，唔知嘅以為佢贏咗區選就大鼻。 張家俊攝
傳真︰2623-9278
電郵︰