「學好英文，搵工都容易啲啦！」「讀物流為你開拓美好前程…」諸如此類的花言巧語，把朝九晚七工作嘅打工仔迫得走向每日都要進修增值嘅死胡同，能真正享受讀書樂趣啲人卻少之又少。剛喺公開大學獲榮譽學士學位嘅麥錫邦則自得其樂，今年七十三歲嘅佢笑言，讀書係「過癮、輕鬆、又型又in」嘅事。
麥錫邦喜歡別人叫他的洋名Paul，Paul自小失學，經歷三年零八個月，父母喺戰亂期間雙亡，靠當小販及擦鞋童為生，退休前係船務公司老闆。
能令呢個老頑童潛心苦讀十年、掙得公大語言與繙譯榮譽學士學位，原來是係佢個孫，「個孫識講三種話，普通話、英文同廣東話，話我嗰啲講唔正喎！」
有啲人話我「臨老學吹didar」，我理得佢呀，肯踏出第一步，自己最緊要夠型，最緊要夠in。
他最大心願是念碩士及博士，「希望可以去美國最高學府『踎』一年囉，哈佛呀，史丹福咁，舊年去過東岸，睇過MIT（麻省理工大學）！」
（圖）麥錫邦（右三）常邀同學到家中研習功課，是同學眼中的勤力學生。 梁祖彝攝
傳真︰2623-9278
電郵︰