土瓜灣下鄉道與浙江街交界本有十多個免費電單車停泊位，但附近居民投訴，當中六個車位，近年來被一電單車駕駛學校佔用，擺放供學生使用的「學車」，變相只餘一半車位可供附近居民使用。
以電單車代步的居民鄭先生稱：「電單車位係畀公眾人士使用嘛，間駕駛學校咁樣就霸咗一半，日日夜夜都係咁。其實咁樣已經好多年，同差人投訴都冇用。轉頭又係咁，都唔知可以點做。」惟有向《蘋果》求助。
記者前往上址查證，發現其中六個電單車位均泊有用布冚的同款電單車，該六個車位前後並擺放雪糕筒作記號，車位旁擺放一間電單車駕駛學校的廣告牌。本報已將投訴轉介警方跟進。
（一二二四○三五）
服務熱線
電話:29908288
傳真:23702192
電郵: