○三年多災多難，好多人都賴阿董，但八方位經紀老友就話阿董起碼有一樣嘢帶挈大家，就係佢家族間上市公司東方海外。呢隻股，在○三年總共升咗五百二十七個巴仙，由三個八升到二十三個八毫半，在全港上市公司中僅次於賭廳股世紀建業，排名第二，威到盡。昨更升上二十五個二，做佢擁躉肯定過肥年。
八方以前都寫過，阿董公私分明，佢勤於政務，一定唔會掂自己檔生意，所以東方海外可能係全港最安全嘅投資，估唔到真係中。
東方海外咁出色，最「失策」莫如李超人。今年四月，李超人在新例下要公開持股權益，原來佢名下公司揸咗近一成東方海外，係董家以外最大股東。資料曝光後，超人為免瓜田李下，於是九個幾賣晒啲股份。呢一次避嫌，真係好貴，不過，富貴於我如浮雲，賺少啲，冇計咯。
傳真︰2623-9278
電郵︰