陳奕迅的父親陳裘大貪污罪成，昨日被判刑七年，陳奕迅前晚除錄影悼念梅艷芳節目，又擔心父親的官司而愁眉深鎖，但也暫時拋開煩憂與唱片公司人員吃魚生。
陳奕迅（Eason）父親陳裘大去年十二月被判貪污罪名成立後，昨日被判刑七年，Eason昨日本來要為新戲開工，但為了能第一時間知道父親的消息，他惟有不開工，與女友徐濠縈到法庭聽判決。
Eason前晚到將軍澳電視廣播城出席《梅艷芳最美麗的回憶》節目，緬懷梅艷芳生前事迹外，又擔心父親的判決，故顯得愁眉深鎖。節目後，Eason與助手離開電視城，約十一時許，Eason乘坐保母車，與其助手、司機及MusicPlus高層甘菁菁，一行四人在九龍城一魚生壽司店消夜。
現場所見，Eason與同事有講有笑，席間也大啖魚生，臨走前Eason還叫了外賣。之後Eason的座駕直駛進梁漢文位於寶馬山的海景大廈，接着他才坐車返回家中。
昨日梁漢文出席無綫宣傳活動時，承認Eason前晚是去了他家中，他說：「噚晚Eason去咗我屋企，徐濠縈都喺度，不過佢上嚟時我因為好攰瞓咗覺。我一陣做完嘢會打電話畀佢，如果大家錫佢嘅，唔使擔心佢，佢識得處理自己嘅情緒。」
至於曾跟Eason傳緋聞的楊千嬅，昨日在大連拍攝華裔小姐外景期間，被問到Eason父親被判監七年一事時，千嬅說：「呢件唔係開心嘅事，唔想講咁多，始終係人哋嘅家事。」
Eason的經理人霍紋希昨日接受電話訪問時則說：「我哋全公司上下都好支持Eason，佢有乜需要我哋都會盡量幫，我都問過佢要唔要放假，佢話唔使，可以繼續工作。」
採訪、攝影：娛樂突發組