因為性愛影帶事件而食咗好耐齋嘅富貴女ParisHilton，終於再墮入愛河，對方就係喺男子組合BackstreetBoys名存實亡後，霉足咁耐嘅NickCarter。
早兩日呢對癡男怨女喺大街大巷拍拖shopping，依我羅拉所見，佢哋明知有記者喺度影相，照樣依偎、拖手、鼻尖貼鼻尖，由頭甜笑到尾，如果唔係佢兩個拍拖拍到忘形，就係想將戀情公告世界。
Paris同阿Nick行咗好多間舖頭，又買狗仔衫，又買BB仔衫。大家一定好好奇，做乜佢哋買BB衫，唔通……如果係嘅話，阿Nick真係好快手，不過眼見Paris個肚平過洗衫板，睇嚟係Paris錢多買件衫仔玩吓啫。
以Paris咁花心又鍾意新花款嘅性格，阿Nick要留住芳心都幾難。大家唔好怪我羅拉把口衰，佢哋好似做騷咁表演一場純真puppylove，女嘅可能博洗底，男嘅可能借緋聞翻身，所以就唔睇好呢段戀情嘞！