新年假期話咁快完晒，好多名人議員都趁機會去外地唞唞充電，但係做得正義女神就冇呢個機會。人氣只會升唔會跌嘅余若薇，新年去咗參加元旦大遊行，之後幾日做乜？留喺香港行吓超級市場，一家人一齊都已經夠開心。
八方有位平日行事低調嘅闊太老友，上星期六去愈嚟愈多名人幫襯、中環IFC嗰間CitySuper買嘢嘅時候，就碰見余若薇同佢老公胡健維，重有佢哋三個寶貝女一齊買嘢，一家人不知幾溫馨，胡醫生行行吓重錫咗其中一個囡囡一啖，見到都暖在心頭。
點知老友轉個彎又撞到着到七彩繽紛嘅余錦基，同幾個親朋戚友開開心心買嘢，一睇就知佢享受緊呢個假期。
（圖）貴人事忙嘅余若薇，難得可以享天倫之樂。
傳真︰2623-9278
電郵︰