「小金王」胡經昌前晚舉行一年一度嘅晚宴，宴請新聞界友好，宴會尾聲原來重發生咗一段小插曲，喺大抽獎環節，港台話事人、助理廣播處長邵盧善（圖）竟然抽中一件黃金小擺設。邵生話晒都係公務員，唔知係咪為咗避嫌，抽到大獎都唔領，要求胡經昌將件禮物再抽多次，畀咗第個。
講起邵盧善，八方就諗起，馬力多年來不斷批判港台，喝令港台效法大陸官方喉舌中央台，要多為港府宣傳政策。邵盧善滿面委屈咁話，可能馬力少聽港台節目，其實港台已經幫政府做咗唔少宣傳工作，而且亦有向中央台做得好嘅節目學習，只不過亦會按香港情況製作符合港人口味嘅節目。
馬力又係，身為土共，自己做咗民建聯主席嘞，又唔見佢做阿董同特區政府嘅保皇喉舌，反而急急割蓆，𠵱家變咗反政府先鋒？港台有咗馬力呢個人辦，今後可以放膽反董兼盡踩政府嘞！
傳真︰2623-9278
電郵︰