已故歌影后梅艷芳嘅好友劉培基近日將佢嘅紅顏知己最後幾個月畀佢嘅深情短訊公開，八方先知梅姐咁鍾情於李清照嘅詞。
劉培基話阿梅去年四月送咗首詩（其實係半首詞）畀佢，佢好驚訝阿梅嘅文采，咁當然好啦，因為原詞人係宋代嘅才女李清照吖嘛。阿梅所引用嘅係《一剪梅》中最後嘅幾句：
「花自飄零水自流。一種相思，兩處閒愁。此情無計可消除，才下眉頭，卻上心頭。」真係寫盡了人間相思之苦。
李清照嘅一生惹人同情，留低好多流傳千古嘅感情真摯佳作，唔怪得梅姐咁鍾意。
呢半首詞，用嚟形容阿董處境，一樣咁貼切喎：「花自飄零水自流」。阿董落花有意，民建聯已經流水無情。港人呼喚普選特首，民情迫人，阿董冇計。鑊鑊醜聞，才下眉頭，又上心頭，所以文學經典，幾時都係咁襟睇嘅。
傳真︰2623-9278
電郵︰