2003年有藝人張國榮、柯受良、梅艷芳先後去世，又有高官葉劉淑儀、梁錦松「落台」，無論演藝界定官場，今年死傷者姓名都包含一個「木」字。一早預測過姓氏有「木」字嘅人都會有災難嘅「現代賴布衣」蘇民峰話，2004依然金、木相沖，「木」字人仍然唔多着數，不過傷害會較輕微咁話。
照佢預測，2004係新一期地運嘅開始，物極必反，近年香港嘅衰運都會遠去，連民望衰到貼地嘅董特首都有望翻身。「蘇布衣」算過，屬牛嘅阿董本身應該喺上年落台，不過香港冇趕走「庸君」嘅機制，所以阿董先至得以殘喘幸存，捱過2003，阿董終於可以行番好運，今年整個董班子都唔會有乜損傷，而唯一擔心嘅係，屬猴嘅曾蔭權猴年犯太歲，土共始終仇恨佢，是非多多，有可能劈炮唔撈喎！
傳真︰2623-9278
電郵︰