早陣子，亞Mark曾經話過，新人事新作風下嘅富士香港代理，策略會有180度大轉變，響話事人GlennTan嘅領導下，佢哋終於說服到日本廠方，遲吓會引入東瀛本土版嘅四門Impreza1.5型號（馬力98匹）到港，新車既有手波又有自動波選擇，而設備亦可謂響同級車款中至突出，當中包括一套恒式四驅（AWD）系統，以及一副WRC世界越野車賽冠軍車手戰車嘅賣相。
雖然新車性能唔算好出眾，惟輸出既平均低轉扭力亦見強橫，恒式四驅裝置重好適合彎多路急，又或者濕滑嘅路面使用㗎！對於愈見要求安全嘅新一代用家，無疑係適合不過外，據聞新車價定位亦不過13萬上落咋！想領略AWD嘅優點，唔再係高性能ImprezaWRXTurbo版嘅專美喇！至於時間方面，快者可望3月抵港呢！