二人組合2R昨日往何文田廣場出席活動，她們對於被指在無綫化妝間與Twins互不瞅睬一事回應說：「不嬲都冇嘢，喺化妝間都有傾幾句。我哋今晚都會去睇佢哋演唱會。」2R又大讚Twins的性感很健康。
2R自爆在新城頒獎禮綵排跳舞時，不慎露出胸圍，Race說：「嗰日我哋着裙，綵排時我哋要企喺dancer上面，拉低咗件衫，重露咗個bra出嚟，我即刻㩒住，好彩冇人睇到，如果唔係就蝕底晒！
「嗰日係我哋最性感㗎啦，唱片高層黃先生同余文樂都不時叫我哋快啲着番件褸。我哋唔可以着deepV嘅衫，唔可以畀個胸人睇㗎！」
採訪、攝影：陳梅香