昨日有報道指梅艷芳的契細佬謝霆鋒，會為阿梅擔幡買水，但治喪委員會發言人岑建勳昨日接受電話訪問時否認說：「肯定唔會搵霆鋒擔幡買水，啲人真係亂寫亂作，霆鋒係平輩，點會搵佢㗎，呢啲係常識。治喪委員會從未諗過搵霆鋒做呢樣嘢，其實阿梅喪禮用佛教儀式，都可能唔使擔幡買水呢樣嘢。」
另外，有傳前日梅媽在靈堂與阿梅經理人王敏慧吵架，岑建勳說：「梅媽冇同人嘈，我哋有乜事都會同佢商量。」至於王敏慧被問到霆鋒會負責擔幡買水之傳言時，她亦澄清說：「喪禮係用佛教儀式，道教先有擔幡買水。」
梅媽媽昨日在親友陪同下到靈堂，其菲傭還拖着一名小童到場。梅媽逗留一小時後離開，她表示小童是其細仔的兒子，即阿梅的姪仔。問到是否由小朋友擔幡買水，梅媽說：「唔係，大孫會做。」有指梅媽與王敏慧不和，她說：「唔係，個個都係朋友。」至於小春的指摘，梅媽聞言後即揮着手說：「冇，我冇講過嘢。」之後被問到可滿意喪禮的各樣安排及扶靈名單，梅媽都點頭表示滿意。
採訪：卓寶花、陳月媚、蔡如育
攝影：何國豪、仇志德、娛樂突發組