譚詠麟前晚與李克勤錄影《勁歌金曲》，阿倫以校長身份論盡樂壇女歌手，包括容祖兒、楊千嬅、陳慧琳及梁詠琪，更以點心比喻她們，他笑指千嬅是牛栢葉，因為牛栢葉在肺附近，經常廢話連篇。
譚詠麟前晚與李克勤齊到將軍澳電視廣播城錄影《勁歌金曲》，二人除唱歌外，阿倫整晚都在評論現今樂壇四位一線女歌手，包括容祖兒、楊千嬅、陳慧琳（Kelly）及梁詠琪（GiGi），還拿她們開玩笑，讓人忍俊不禁。
阿倫首先分別講出他對四人的感覺，他提到千嬅說：「佢咁開心，成日無緣無故都咁high，都唔知笑乜，最高重唔係佢？」阿倫又指Kelly很有鬥心，初出道時較肥胖，阿倫說：「佢籮柚可以開兩枱麻雀呀。」
至於梁詠琪與容祖兒，阿倫謂：「我第一次見GiGi係喺一個樂壇新人巡禮，我攞鞭去鞭佢，鞭到佢四圍走，向左走又向右走。我初初對容祖兒印象好好，嗰陣英皇唔係捧佢先，一次我去佢哋總部唱K，我好留意佢，佢坐埋一邊，唱完之後問我唱成點，呢個女仔未經包裝，但好有心去把握機會，我都教佢好多嘢。」
後來主持林曉峰要求阿倫以點心比喻四位女歌手，他說：「陳慧琳係糯米雞，因為佢好怕凍，糯米雞都係凍咗唔好食啦。GiGi係馬拉糕，佢夠高，𠵱家拍戲又做外籍傭工，千嬅係牛栢葉，牛栢葉喺個肺附近嘛，佢成日廢話連篇㗎，至於容祖兒，佢係豬膶腸粉，可塑性高呀，腸粉放叉燒同蝦入去都得。」
此外，前晚容祖兒及楊千嬅都到紅館為Twins個唱任表演嘉賓，千嬅與Twins合唱《可惜我是水瓶座》時，三人都忘記歌詞甩嘴兼偷笑。
採訪：卓美娟、陳梅香 攝影：何國豪、陳志嵐
