近年，SUV熱潮方興未艾，各家車廠紛紛推出新車款，並大多以五門版作主打，惟Off-road行駛時，三門短陣版卻見有唔錯嘅演繹；有見及此，研製越野四驅車有一手嘅日產汽車，亦有意響X-Trail基礎上，生產出一款中、小型SUV新車。
雖然從預想圖中可以睇到，新款三門版X-Trail與現有五門型號相近，但賣相卻見醒目有型得多，車廂配搭亦與現有型號相近，除擁有寬敞闊落嘅空間外，設備配搭又見齊全易用；另外，有關消息指新車除備有電子四驅或前輪驅動選擇外，或許重有低檔次嘅1.4公升On-road車款供選擇。喜歡SUV造型嘅香港用家，不妨考慮吓噃！