陳小春昨日出席在大埔舉行的港台活動，日前梅艷芳母親揚言等阿梅出殯後便會爆料，並透露阿梅身邊有不少好及壞的朋友，而近日亦有傳不少人使阿梅錢，對此小春昨日說：「其實呢個時候唔應該討論呢個問題。」
梅媽曾說有人使阿梅錢，問到小春是屬於好的朋友還是壞的朋友時，小春說：「使錢應該冇我份，但係唔需要講邊個出來，應該心裏有數，我又唔係好，但亦都唔係壞，我都唔敢認係好啦。不過好話唔好聽，大吉利是講句，人都屍骨未寒就講啲咁嘅嘢，佢（阿梅）會好傷心。」
近年與阿梅接觸較為頻密的小春，在阿梅臨終前接獲友人通知，趕到醫院見阿梅最後一面，阿梅病逝令小春十分傷心，一度考慮缺席之後無綫工作，但最後小春決定穿上黑色衣服出席無綫活動，以示對阿梅悼念。
採訪：胡比 攝影：陳志嵐