揭開04年新一頁，無論大小朋友，相信都零舍多大計！至於小朋友的志向更比天高，齊齊在新的一年說：「我要高飛！」鬼馬的他們原來搞了個兒戲版衝上雲霄，自砌模型飛機兼玩試飛。當飛機真真正正直奔雲霄的一刻，個個都躊躇滿志，彷彿看到另一片天，預見長大後如何展翅高飛……
記者：大南瓜 攝影：大力菜
栢芝（8歲）（前右）：「我想飛去英國，學講英文！」
磨磨（6歲）（前左）：「婆婆說日本的迪士尼好好玩，我想現在就飛去！等不及2005年香港迪士尼呢！」
豫生（7歲）（後右）：「我想環遊世界，見一切美好事物！」
可文（6歲）（後左）：「我要帶我的女朋友飛上太空，看九大行星！」
楊利偉再加電視劇集效應，搞到家陣個個小朋友，不管天空或太空，總之就話想飛！於是四個小蘋果，四個不同的飛行夢，藉着今日在這個另類樂園參加活動，自組遙控模型飛機試飛。內心的小小飛行夢，一一引爆……
醒目的小朋友當然唔會坐以待斃。各師各法，務求要將面前的飛機砌掂。即管睇睇佢哋點搞？
搞完一輪，小朋友都成功砌好飛機。而且結果都幾令人滿意，約用了30分鐘就完成。但好戲原來仍在後頭。因為，重未飛得?!
經過嚴格訓練，小朋友似乎都熟習咗點控制個遙控器喇。當跟夢想逐步走近的時候，心情就卜卜跳！
鳴謝：有叉用燒烤樂園
電話：24748333
地址：天水圍天慈路馮家圍30號
網址：
