梁漢文、楊千嬅及許志安等，昨日出席「慈善星輝仁濟夜」拜神儀式，提到梅艷芳母親會在阿梅喪禮完結後爆料一事，梁漢文表現得頗為愕然，他說：「我唔知有乜料爆，希望呢件事唔好發生，梅姐都上咗天堂，我諗佢都想阿媽、朋友大家可以融洽相處，希望佢（梅媽）可以睇開啲。」
近日有消息指梅艷芳生前的經理人Marianne，經常謝絕阿梅的好友與她聯絡，對此梁漢文說：「我一路都係keep住聯絡Marianne，好多時梅姐個電話唔開，我都會sendSMS畀佢，所以我都係透過Marianne知道梅姐病情。」
楊千嬅最近患上感冒，聲帶發炎，故此「慈善星輝仁濟夜」不能現場獻唱，千嬅說：「我感冒好耐，呢幾日先發出嚟，我又唔敢打針，驚會瞓，同埋做慈善冇理由辭演，最慘係我聽日重要上大連拍華姐外景，拍完三日又要去北京做廣告宣傳，之後又要開始準備演唱會，真係冇得休息。」
此外，梁漢文日前在各頒獎禮取得多項大獎後乘勝追擊，於明日推出新細碟《梁漢文/03/四季》，封面設計仿效手提電話廣告，一人分飾多角，十分特別。
採訪：楊潔雯 攝影：林德雄