近年醉心於舞台劇而唔多拍日劇嘅松隆子，新年一過又有新劇《初》開鑼，今次佢唔再同爸爸松本幸四郎同台，反而同爸爸唔同劇進駐銀座打對台！ 松隆子嗰套講佢係個蕩女，同時俾三個男人追，佢話私底下都有啲羨慕咁嘅生活，重大歎𠵱家感情生活空白，但佢又強調想俾人包圍嘅話，身邊大有人在，慌死俾話佢冇人追。