梅艷芳影碟賣斷市新貨一個月後返

一代歌后梅艷芳殞落，回顧番佢嘅一生，除咗喺樂壇貢獻良多外，其實佢所拍過嘅電影，亦有超過40部之多！據知現時市面以梅艷芳掛頭名嘅DVD及VCD倉存貨都差唔多搶購一空，而且有少許炒賣意味！新返貨預計會在一個月後殺入碟場，大家千祈咪一時意氣，𠵱家入市買貴貨！

梅艷芳正片回顧
香江花月夜（1984）
阿梅唯一的電視劇，故事中扮演歌女，好似講番佢嘅前半生；電視台𠵱家半夜都翻做緊，至於套裝VCD碟價做緊$280-$340，價錢都合理，尚有少量存貨。

胭脂扣（1988）
第一套是阿梅掄元金馬影后的電影，亦人亦鬼嘅造型，做得入木三分，係阿梅迷不容錯過的電影；據知佢係碟場最早斷貨嘅一隻，大家惟有等新貨啦！

男人四十（2002）
呢套係阿梅所拍過最後一套電影，都可以話係佢最後遺作，同片重有另一歌王張學友同佢鬥演技，講述人到中年心態。

金枝玉葉2（1996）
《金枝玉葉2》內同時有齊張國榮同阿梅做主角，勢估唔到一個歌王、一個歌后，都在同一個2003年，一個自殺、一個患病身亡。