還差十多天就正式踏入猴年，相信大家都認為今年的香港並不吉祥，接連發生許多令人傷感的事情。我認為做人最緊要向前望，有日行街見到很多馬騮仔已急不及待同各位拜年、招福。想來年行好運的話，不妨買隻得意吉祥馬騮返屋企，一於送走「運滯羊」，迎接「吉祥猴」的來臨。
記者：何善華 攝影：梁翠妍、何善華
Model：Cobi（Imagine）
金銀滿屋好運來
穿上日本和服的猴神管理的七位神仙包括布袋、壽老人、福祿壽、弁財天、毘沙門天、大黑天和惠比須，招福招財招好運各師各法，有鍍金屏風作裝飾，另配玻璃盒要加多$368。
七福神守之職責：布袋（平和）、壽老人（無病無災）、福祿壽（長壽長命）、弁財天（夫婦和睦）、毘沙門天（守護家庭）、大黑天（開運招財）、惠比須（商務繁盛）。
呢款猴年開運蛋共有四款，不過購買時只係得隻蛋殼，未知內裏乾坤，打開後先知道抽到乜東東。每款所祈求的願望都不同，啱晒小朋友可以有得玩之餘，重順便替他們招福。
樣子十分Cutie的金猴錢箱，「體重」極之輕身，雖然全身都係用鍍金加金粉製成，但手執「千萬両」蓋印，再配埋翠綠色頸項就更加人見人愛。況且老人家好鍾意金色之物，放喺屋企就算唔入錢都可以作裝飾之用。
新一年健康最緊要
平安符用木竹和禾稈草支撐而成，配上數條金屬繩替猴子作裝飾，放喺車上或屋企門口都得，以保佑大家出入平安。
呢款風水生肖上年出完小羊仔之後，今年就輪到馬騮仔。四款不同顏色的風水猴唔係亂咁放，放啱東南西北四個方位先至「應驗」，每款風水猴都係代表身心健康之意思，為個人、家宅、戀人等祈福。
學業得意做狀元
「一寸光陰一寸金」呢句古老格言大家聽得多，不妨放呢隻猴王座枱日曆喺小朋友的書枱，警惕他們不要虛度光陰，猴王身上重有三隻小猴招學業運。
開運筆座用聖旨外形做設計，又有隻頭戴金剛圈的百厭馬騮做配襯，最啱放喺小朋友的書枱上，有橙色和粉紅色兩款任擇。
其他實用馬騮
馬騮母子得意洋洋托住個金元寶，趣致可愛。後面有個鍍金托架，主要用作承托手機之用；放喺書桌或辦公桌都可以，備有超過五款不同形狀和姿勢的手機座款式。
呢款名片夾同樣惹人喜愛，小猴子腳踏綠色葉子，意氣風發地托住個金元寶，造型得意。背後的鍍金架今次換上名片夾，放喺公司枱頭最啱用。
店舖資料
（a）J-friends
地址：尖沙嘴海港城3樓LCX店
查詢：28918863
（b）吉之島（黃埔分店）
地址：黃埔花園第五至第六期
電話：26276688
（c）PrettyHouse
地址：銅鑼灣金百利商場327號舖
電話：28818711