高官問責制真係問題多多，最新一單係環境運輸及工務局局長廖秀冬，同佢嘅常任秘書長劉吳惠蘭水火不容事件。
官場好友同八方講，劉吳惠蘭自○二年問責制出台已經做呢個位，但同廖局長一直好唔夾，早排已經有個公開嘅例子：廖局長唔係公務員，所以佢冇權決定下屬升遷，但廖局長曾對人講不滿自己想升身邊嘅政務助理職都話唔得，呢樣嘢就等如唔滿意劉常秘冇升到政務助理啦。
噚日政府憲報終於刊登劉常秘寧願放棄常秘嘅高職，做番署長級嘅消息，劉太重放假飛去法國讀個短期課程唞唞氣㖭。八方好友重話，劉常秘曾一度萌生辭官嘅念頭，不過最後俾人勸服，否則政府又損失一個資深政務官喇。
傳真︰2623-9278
電郵︰