蔡一傑是梅艷芳生前的愛徒，對於有報道阿梅生前的經理人王敏慧指傑仔有博宣傳之嫌。在叱咤頒獎禮中奪得「叱咤樂壇新力軍男歌手」銅獎的傑仔前晚在金鐘出席慶功宴時說：「我係梅家班出身，唔會輸，舞台上做到最好，我唔知以後日子會點過，但一定唔會令阿梅失望。」
對於被王敏慧指博宣傳，傑仔說：「我同阿梅識咗十幾年，關係唔使同人解釋，有心就得。我啱啱喺新加坡返嚟，遲啲會去探梅媽，我覺得佢最可憐，失去兩個女。阿梅令我有好多啟發，我喺佢身上學到講唔晒咁多嘢，希望可以將呢啲精神發揚光大，咁樣做會開心啲，對得住佢，唔會丟佢架。」
問傑仔可覺得阿梅看不到他上台拿獎是一種遺憾，他說：「佢都唔係第一次睇我攞獎，總之以後會做好唱片，其他諸事八卦嘢唔想再講，我覺得好煩。」
採訪：胡比
攝影：何國豪、仇志德