康泰係本港數一數二嘅旅行社，董事長黃士心成日都話想自己仔女喺公司幫手，結果佢終於如願以償，佢位公子黃進達Jason最近就開始子承父業，加入康泰市場部工作。
不過，唔好以為Jason喺公司係做大少爺喎，其實佢十五歲開始就要去機場幫手接送旅行團，暑假又要喺公司幫手，重要帶團㖭，真係由低做起，冇話想一步登天。Jason噚日面對傳媒都淡淡定定，總算有其父之風。
之不過咁，喺呢個畢業等於失業嘅年代，大學生都已經唔再係天之驕子啦，黃公子啱啱喺理工大學讀完旅遊課程，只係得二十三歲就可以喺大公司做助理經理，你話佢唔係靠父蔭咩？又好似唔係囉。
（圖）黃士心位公子Jason最近子承父業，加入康泰市場部做助理經理。
傳真︰2623-9278
電郵︰