日前，亞Mark曾經提及過，話全新萬事得Mazda3車系預展好成功，兩間擺放有新車嘅陳列室，每日到臨想一睹Mazda3風采嘅車迷，早晚均見絡繹不絕；由於新車款一改過往作風，走高檔及高性能路線，雖然車價較同級對手略貴，但就勝在設備齊全又富安全度，加上造型趨時吸引，因而惹來咁大迴響呢！
然而，有唔少心水清嘅朋友會問亞Mark，點解會遺留咗五門掀背版呢？查實，亞Mark知道唔少香港嘅車迷，都比較喜歡傳統四門版型號，所以就盡量介紹番其中嘅配套設備；至於話五門掀背版嘅全新Mazda3，就只得至Top嘅Premium版，車價為15萬3千5，設備一應俱全之餘，重用上最新4前速半自動波，以及四輪高規格嘅碟式制動裝置，單睇外形就絕對係一部走高檔路線嘅房跑車㗎！
而今日起，萬事得嘅Fans又會多一個新蒲點喇！事關亞Mark早前曾話過，代理會響尖沙嘴開新Showroom，位置正好係車行林立嘅柯士甸道102號，面積之大可同時擺放六部車，惟全新Mazda3則暫時欠奉，快者要等到下個周末正式登場時，各間陳列室才會同步展出Mazda3新車呢！