我大口羅拉近年最欣賞嘅其中一個巨胸女星根本春美，最近同熊田曜子同井上和香兩位愈睇愈合眼緣嘅新紮女星合作，組成咗隊臨時組合B.B.Q，幫日本雜誌拍性感寫真，佢哋奉旨拍攝水着靚相之外，重擺出唔少搞鬼甫士，真係令人睇到心花怒放。
根本春美近排個樣愈嚟愈靚，好彩佢唔會因為開始上位而見好就收，反而繼續大晒自己好驕人嘅身材。最近有本日本雜誌好鬼把炮，居然可以請埋熊田曜子同井上和香，夾埋根本一齊拍住上，重組埋隊㖭！
佢哋個組合重起咗個名叫B.B.Q，雖然佢哋三個真係好肉到令唔少人流晒口水，覺得佢哋好似B.B.Q燒嘢食咁好味，但呢隊B.B.Q就唔係燒嘢食，而係BigBreastQueens巨胸女王咁解。
既然B.B.Q.擺到明係以三位靚女巨胸做噱頭，自然唔少得搵三對勁胸嚟搞嘢。睇見根本春美、熊田曜子同井上和香三個人穿上全白色嘅比堅尼，又搽上啲顏料喺手板，互相喺對方身上打手印，真係充滿動感同埋童真，搞到好多fans都忍唔住幻想自己同佢哋玩埋一份。