今年係立法會選舉年，八方一見啲議員就梗問佢哋今年重選唔選啦！其中霍公子霍震霆八方就覺得唔使點問，如果唔係想連任，又使乜咁勤力，乜都有佢份吖。
如果冇記錯，佢上次喺體育、演藝、文化同出版界別都係冇對手下「自動當選」，所以今次都可能同上次一樣。
八方反而有興趣知道，佢老竇全國政協副主席霍英東最近點解好似南生圍鱷魚咁，好少蒲頭？其實一早都有人問過霍公子，不過佢就冇出聲。
傳聞話老霍抱恙，不過八方知佢一向好動，成日攞住支網球拍，又有游水，所以應該重好fit吓，有人重間中見佢返中銀樓上嘅公司㖭，所以傳聞都未必啱，只係老霍都八十歲咯，又屬於所謂嘅「國家領導人」，亦即老霍健康亦屬於「國家機密」，襯二十三條未通過，新聞記者問得嘅就好問嘞。
（圖）霍英東
傳真︰2623-9278
電郵︰