民政事務局局長何志平有個靚老婆，老婆重好錫佢㖭，呢樣嘢好多人都知，不過前晚何局長就好好豔福，同幾位熱辣辣嘅巴西靚女會面，重同其中最靚嘅一位企得好埋，唔知何夫人會唔會吃醋呢？
何局長前晚出席沙田倒數嘉年華嘅時候，幾位無懼寒風，穿着性感嘅巴西森巴舞女郎突然出現，其中一位巴西靚女高頭大馬，樣貌標致，身材一流，走埋何局長身邊，重一齊合照，八方見到當何局長望住位靚女時，笑容滿臉，但就有啲怕羞咁樣。
何太唔好嬲住，或者局長只係發揮親民嘅精神，睇吓位靚女喺冬天着咁少會唔會好凍，使唔使要番張毛氈呢。
（圖）有美相伴，何志平梗係開心。
傳真︰2623-9278
電郵︰