日前八方講過馮檢基唔夠啲老婆婆打乒乓波,原來阿基真係運動少,風濕多。
佢同八方講,後生嗰陣鍾意打乒乓波同羽毛球(唔知點解,凡係左傾嘅,都鍾意呢兩味),後嚟去咗英國讀書,學識咗打英式桌球,返咗香港,都成日有打。
不過,做咗立法會議員,就連枱波都放棄埋,因為啲波場有段時間係黑社會行業,佢驚住畀八方或者啲記者撞到,影埋相就唔係幾好。
所以話呢,做咗尊貴議員就多咗好多限制,以阿基為例,咪講話骨場魚蛋檔唔幫襯得,就連波仔,都唔可以亂咁篤。
阿基話都知咁落去唔掂,冇波仔篤遲吓都係要搵番種運動,保持體力,否則唔止輸波畀老婆婆,以後咁點同人爭?
傳真︰2623-9278
電郵︰