張栢芝近年負面新聞不絕，甚為情緒化的她最近受到髮型師影響信了基督教，並已排期往領洗。栢芝表示現在每晚都會閱讀完聖經才睡覺，除了心靈有所依靠和寄託外，人亦顯得平靜了不少。
張栢芝、鄭希怡（Yumiko）和楊千嬅等前晚在奧海城出席無綫節目《港澳全城樂繽紛》，栢芝的母親帶同前夫鬍鬚勇與太太所生的兒子「大番薯」等親友往捧場。栢芝近年負面新聞不絕，情緒經常不穩，她前晚自爆近日信奉基督教，好讓心靈有寄託。
栢芝表示受髮型師影響篤信基督教，她說：「我跟髮型師信咗基督教，我覺得好似有依靠，以前成日怪記者寫嘢唔好，𠵱家我晚晚都睇完聖經先瞓，人都平靜咗，我重排咗期去洗禮。」
栢芝前晚演出，獲母親和同父異母的弟弟等人來支持，她十分高興，大番薯更看得投入，不時在台下大叫栢芝的名字。栢芝說：「細佬唔介意大家叫佢做『大番薯』，我噚晚同佢瞓，佢重話好想聽日可以上鏡，佢同老竇一模一樣，係欠咗兩撇鬚。」
栢芝早前違反交通條例遭停牌，本月便會復牌，她有意購買新款可以控制車速的平治房車。栢芝說：「屋企共有十二架車，其中兩架係老竇買，十架我畀錢，五架係我擁有嘅，我買車唔會超過一百萬，最近睇啱嗰架都係約六十萬。」
梅艷芳日前因病去世，栢芝為了悼念這位前輩，她特別以全身黑色打扮出場，她說：「阿梅好錫我，知道佢入院消息時，我同屋企人去咗泰國玩，希望佢可以去一個好開心嘅地方。○三年唔係幾好，踏入新一年，我嘅願望係身邊朋友可以留喺身邊，平淡同開心咁生活，人人身體健康。」問到栢芝可有問候阿梅契細佬謝霆鋒和緋聞男友陳小春，她說：「呢啲嘢在心中。」栢芝又表示上月甩底往看王菲演唱會，因為當時去了泰國。
採訪：卓美娟
攝影：陳志嵐
