班幫助港人爭取民主嘅大律師到底有幾受歡迎？八方所知噚日遊行最誇張嘅一幕，就係「民主女神」余若薇俾一位阿伯索取簽名，咁簽喺邊呢？阿伯竟然攞出本存摺，叫余若薇簽喺紅簿仔上面。
之不過，咪以為有咁多位大狀新星冒起，會令白鴿黨前主席李柱銘黯然失色，喺噚日嘅大遊行中，大狀馬丁李企喺維園出口嘅時候，好快就惹來一班熱情fans搵佢簽名、合照，由於fans眾多，簽簽吓竟然排晒長龍，全部人都乖乖咁等同馬丁握手合照，唔講重以為搞緊明星簽名會呀！真係犀利！
不過，馬丁可能有啲擔心，叫大家其實唔應該崇拜偶像喎。計八方話，馬丁又使乜擔心咁多吖，佢不如好好利用啲知名度，影多啲相，加埋親筆簽名，攞去信和賣，一定有市場，幫補吓民主運動都好吖。
（圖）噚日大遊行，啲市民排晒長龍等馬丁（左二）簽名，真係誇張。
傳真︰2623-9278
電郵︰