陳慧琳（Kelly）前晚到荃灣出席新城電台的「荃城同心創未來2004」，之後趕往時代廣場為「蘋果倒數迎2004」活動，獻唱梅艷芳歌曲《心債》作悼念後，即匆匆離去，未有留下領取港台十優歌手獎。
Kelly在荃灣接受訪問時說：「今年冇心情倒數，有好多唔開心嘅嘢，如果梅姐捱多兩日就過新一年啦。」Kelly透露她見阿梅最後一面時，阿梅清醒但沒法說話，她說：「佢知有乜嘢人嚟探過佢，當時有大師念經，話唔畀我哋喊，怕佢上路見人喊會唔捨得，我忍得好辛苦，連喺走廊都唔喊得。」
Kelly謂她無法將對阿梅說的話再說一遍，否則會大哭，她說：「張國榮走咗已經唔開心，梅姐走埋，心情重翳過911，希望下年會好啲。我喺屋企都唔敢開電視同收音機，一聽到梅姐把聲就想喊。」
採訪：胡比 攝影：陳偉權