Motorola下半年新機密密手咁出，不過外形似乎並未有太大新意，好似最新嘅V500同V600，其中V500與前作V303外形更一模一樣，照舊有65,000色彩芒及30萬像素影相功能，但作為新機當然都有啲新嘢，就係加入大熱之藍芽功能，並且支援四頻制式（GSM850/900/1800/1900），正係一機在手世界漫遊都得。而另一部新機V600外形亦未有太大突破，喺V500身上搵到嘅功能都照樣可以喺V600身上搵到，不過就比V500多咗影片播放功能。兩部新機預計今年2月先會見街，而價錢方面摩記就三緘其口，有心者不妨再等多兩個月，到時就自有分曉！
記者、攝影：劉耀祥
