陳奕迅（Eason）自其父陳裘大被收監後，都少有在公開場合大展歡顏，加上梅艷芳病逝，其心情自然更加沉重。前晚Eason和盧巧音等出席港台在銅鑼灣時代廣場舉行的「蘋果倒數迎2004」活動，Eason壓軸獻唱後便開始倒數，他在台上瘋狂歡呼，又大叫：「新年嘛，有冇啲勁啲嘅音樂呀？Yo，Yo！」然後Eason到處勁舞，又帶動台下觀眾跳舞。
而盧巧音接受訪問時則說：「我心情都未平復，冇心情去party，今晚都有啲朋友喺度，當一齊倒數咗啦。我有傳訊息畀何韻詩，唔敢打畀佢呀，我知佢OK嘅，我知梅姐走得安詳都好安慰。」
提到有指阿梅生前拒絕治療，本身也體弱多病的盧巧音說：「我家人都叫我有乜嘢都要睇醫生，病向淺中醫，其實哥哥走時好多嘢都已經好化，要盡量每日都開心啲。」
港台前晚頒發「十大優秀歌手獎」，得獎者分別是Twins、容祖兒、陳奕迅、李克勤、許志安、陳慧琳、周杰倫、劉德華、關心妍、梁詠琪及楊千嬅。其中只有千嬅、祖兒、梁詠琪、陳奕迅及關心妍有到場領獎。
採訪：胡比 攝影：陳偉權