備受車迷注目、兼快將在港推出嘅全新萬事得Mazda3，可算係響一眾同級1.5公升房車級別嘅對手中，配備至齊全嘅一款；皆因佢特別設有一般只會響較高價房車中，才配用嘅汽車穩定控制系統（DynamicStabilityControl，簡稱DSC）。
配備咗DSC系統後，可令駕駛者操控座駕時，更見得心應手，當汽車出現轉向過多時（即甩尾），駕駛者即使無踏下煞車腳踏，DSC嘅電腦控制會介入，以制動個別車輪（例如向外前輪），令汽車返回正軌行駛；相反，若汽車出現轉向不足時（即推頭），即使駕駛者無踏下煞車腳踏，DSC嘅電腦控制亦會介入來制動個別車輪，並以循迹控制系統（TractionControlSystem，簡稱TCS）控制引擎輸出，令車輛返回正軌行駛，以確保行車安全。
此外，全新Mazda3另一個予人驚喜嘅地方，就係輸港型號備有4前速Activematice半自動波箱，讓駕駛者可按行車情況，透過+/-模式自行轉換波檔；而轉檔排列更以上減下加嘅模式出現，操作上有如賽車般嘅排列方式，令操控變得更富有高性能跑車嘅感覺外，亦可增添更多駕駛樂趣。