何超儀前晚在中環一間的士高舉行小型音樂會，她的夫婿陳子聰、好友徐濠縈及男友陳奕迅、梁漢文及女友Karen、吳彥祖及女友LisaS.，以及李燦森、Cookies成員Kary及吳國敬等均有捧場。
超儀戴上假髮，並穿上魚網絲襪及皮褸，她的聲線頗為沙啞，超儀說：「可能感冒，我都綵排過幾次，我畀自己呢次演出唔合格，其實開頭都OK，唱咗三、四首歌都想停一停休息吓，但見朋友嚟晒捧場，我咪叫破喉嚨囉。」超儀自爆在洗手間聽到有人當她是盧巧音，不過她並不介意。提到她的賭王父親何鴻燊為何不捧場，超儀說：「呢啲咁嘅騷唔使啦！」性感打扮的超儀更笑言希望乘機勾搭「老細」為她開音樂會。
此外，年僅十七歲的Kary與男助手結伴到的士高，並笑謂男助手是家長，Kary說：「如果遇到查牌咪即走囉，我都未嚟過的士高，我只會飲汽水。」
