喺前曼谷世貿對面BigC商場樓上，新開咗一間現時全亞洲最新意念、最靚嘅保齡球場deBowlClubbyEGV。間場開業只有1個月，第一次去到嘅感覺真係好豪華，連坐嘅座椅都係絲絨沙發。
此外亦有餐廳雅座，不過最潮嘅係佢分咗三大區。
文、攝：胡慧冲
Highway66打嘅Lane較短，而且球面較細，唔使插手指入去，大人細路都打得。Lane旁更有優雅小水池，但我最鍾意係佢有防落坑裝置，只要Set起防落坑護欄，個波就點都唔會碌落坑咁瘀。重有，Highway66打波重唔使換鞋，好方便。
呢區打嘅係傳統Lane，特別之處唔係一般12條LaneShow晒出嚟，而係前6條後6條，出醜都唔驚俾咁多人睇到。呢度打波就要租鞋換，有專人服侍幫你度腳挽鞋，而晚上QubicaLane更會換上夜光，Lane上亦有螢光指示，等你易啲打中！
呢度每小時150銖，只要對住螢幕去用手「碌Lane」，其實即係玩TVGame。但就更先進，以手推波控制。
Hightway66/QubicaLane
收費：10:30am→13:59pm240銖?小時
2:00pm→1:00am300銖?小時
泰國嘅EGV影院花款多多，以前曾經介紹過佢哋嗰間坐喺古董車入面睇戲嘅影院，但呢間影院已經Out！至新嘅就係保齡球場樓上呢間，同樣只係開咗一個月，裏面有超過10間影院，包括有全曼谷最闊銀幕嘅影院，銀幕足足有25米闊。
間影院最大賣點，就係提供絲絨飛機座椅，有毛巾、飲品同襪，豪華到極。不過至過癮係其開房睇戲嘅概念，基本上即係香港嘅卡拉OK概念，但就要嚟放電影。最盞鬼係可以叫埋嘢食，邊食邊睇戲都得。
查詢：
