踏入2004年，相信不少車迷都與筆者一樣，熱切期待多款新車抵港發售，當中更不乏惹人注目嘅歐洲車款，如寶馬6系、富豪V50及越野路華Freelander等等，勢必令本地車壇鬧得熱烘烘。不如今日就一齊嚟先睹為快，睇吓部份有望響今年，在港推出嘅新款歐洲RV及跑車啦！
記者：鄭達基
預計抵港日期：04年4月/12月
吸引指數：★★★★★
曾叱咤車壇一時嘅寶馬6系，廠方已決定讓其重生，其中Coupe版嘅645Ci，將有望於2004年4月率先抵港，Cabriolet開篷版亦預計會緊隨其後，於年底前抵港發售；兩者同樣以一台4.4公升V8偈（馬力333匹）為骨幹，配以6前速Steptronic半自動波，起跑加速反應敏捷有勁，而開篷版嘅軟篷頂除開關全不假人手外，需時更只係20秒咋！
預計抵港日期：04年12月
吸引指數：★★★★
預計會於今年10月，響歐洲地區推出嘅全新寶馬1系，可算係近年另一款惹人注目嘅新車；雖然尺碼比現行3系來得纖巧，但率先推出嘅三門及五門掀背版，卻帶來多一份實用性。據聞廠方將會為新車安排有多台引擎供選擇，包括1.8公升、2.5公升及3.0公升等型號，以切合不同用家需要。
預計抵港日期：04年12月
吸引指數：★★★★
甫抵港發售，便已賣個滿堂紅嘅全新寶馬5系，廠方正落力為其研製Touring旅行車型號，並可望於嚟緊嘅日內瓦車展亮相；造型依舊保留有5系嘅車首設計，但敞大車廂組合，卻顯現出一份實用性。而機械配搭則與現有5系房車相同，當中包括2.0公升直6（馬力170匹），以及頂級嘅4.4公升V8型號（馬力333匹）。
預計抵港日期：04年11月
吸引指數：★★★★★
新一代Mini除現有硬頂版外，據聞廠方將於今年年底，為其加入開篷版本；綜觀外形與現有型號相近，但改用開篷設計後，賣相明顯變得更具吸引力。引擎配搭亦會與現有型號相近，當然唔少得有頂級MiniCooperS型號，所採用嘅一台1.6公升Supercharger引擎啦！
預計抵港日期：04年3月
吸引指數：★★★★★
除全新6系之外，早前落實推出、並比同廠X5細一個碼嘅全新SUV車種——X3，亦有望於今年3月抵港發售。
新車不但外形保留有X5嗰種剛陽味十足嘅個性外，特大Panorama式天窗，以及齊全車廂設備配搭，更為新車焦點所在。新車以一台3.0公升直6偈作核心，動力輸出數值分別為231ps/5900rpm及30.6kgm/3500rpm，加上多套電子系統輔助，如HillDescentControl等等，全天候個性可謂表露無遺。
預計抵港日期：04年8月
吸引指數：★★★★★
推出至今已有多年時間嘅平治SLK開篷跑車，廠方終於推出新一代型號喇！從預想圖中可以睇到，新車造型與同樣備受車迷注視嘅SLRMcLaren跑車相近，顯現出一份叫人難以抗拒嘅魅力之餘，車廂布局更能予人耳目一新嘅感覺；另外，廠方亦會為新車安排有多個機械組合，供用家選擇，當中重有一台全新嘅3.5公升V6偈㖭！
預計抵港日期：04年8月
吸引指數：★★★★★
全新富豪V50旅行車，不但擁有新設計嘅造型外，車廂布局亦要來得年輕化，而且重備有多套先進系統㖭！同時，廠方又會為用家提供多個引擎配搭選擇，如2.4公升直5（馬力140匹及170匹），同埋頂級2.5公升直5Turbo型號（馬力220匹），性能表現定必比其他同級對手來得出色。
預計抵港日期：04年6月
吸引指數：★★★★★
將於明年推出嘅全新612Scaglietti超級跑車，以一台5.8公升V12偈作動力核心，不但輸出強勁（馬力達540匹），0至100公里加速度，更僅為4.2秒，再加埋獨特又吸引嘅造型設計，難怪會吸引到唔少車迷注意啦！
預計抵港日期：04年4月
吸引指數：★★★★
走SUV路線嘅保時捷Cayenne，在港推出以來一直深受車迷歡迎；而代理方面，最近更決定為其引入配用3.2公升V6引擎（馬力250匹）嘅新版型號抵港，另外重以極具吸引力嘅價錢推售㖭！
預計抵港日期：04年3月
吸引指數：★★★★
向來備受年輕車迷追捧嘅越野路華Freelander，新款型號將會成為佢哋今年在港嘅主打新車；佢除咗擁有一個全新嘅造型外，車廂配搭亦有所改動，而最有機會抵港嘅2.5V6型號，馬力輸出達174匹，配合埋多套先進電子裝備，咁就去邊都無有怕啦！
