豐田代理皇冠車行，經常透過舉辦多項活動，以求與一班豐田車主保持緊密接觸外，更希望為佢哋帶來充滿樂趣嘅一天；然而，皇冠車行維修部就響日前，舉辦咗一個名為「豐田冒險歷奇尋寶之旅」嘅活動，今次活動係透過邀請信及豐田維修顧問直接邀請，讓富有冒險精神，同埋喜歡於路上馳騁嘅車主挑戰自己。
參與呢次活動嘅人數亦十分多，豐田車主、傳媒及維修中心顧問組別，合共分成三十多隊作賽；起步點為北角豐田維修中心，參賽者需到指定地點或到有關分站報到，以取得積分，當中除要到陳列室抽取積分外，更要走畢卵石徑等等，並要於兩小時內到達大埔小白鷺餐廳，過程既好玩又刺激。比賽完結後，各組別嘅頭三位不但可獲獎座，更可獲得多份名貴禮物㖭！若然你都想參加呢類活動的話，咁就要留意佢哋日後嘅公布喇！