「近排叫做多番啲工開，不過嚟緊農曆新年，可能要停十幾日工，我哋呢啲計日薪，要趁呢排搵多啲嘢做，唔勤力啲唔掂，邊有錢交租，仔女邊有飯開。」任職地盤散工的阿天抱着「好天收埋落雨柴」的態度，盼為妻子提供安穩的生活。阿天育有一子一女，現年分別一歲半及七歲，妻子在家照顧孩子。
回想以往，阿天與慈母並肩撐起一家六口生活的時光，既苦又甜。阿天的母親呂金治年屆六十五歲高齡，仍在地盤任職雜工，每月賺取五千多元。惟她不幸於十月初在上班途中，被一輛的士撞倒，傷重不治，令痛失慈母的阿天哀慟不已。
「媽媽嘅後事叫做搞掂晒，骨灰運返鄉下安葬。我爸爸有老人癡呆症，佢好似已經完全唔記得媽媽，早排爸爸身體唔舒服，𠵱家返咗大陸休養。」二十九歲的阿天說。
蘋果日報慈善基金早前曾撥一萬五千元緊急援助金助阿天葬母，近日另將善長捐款合共一萬一千四百八十元交予他簽收。
捐款編號：C1145
暖流熱線
電話：29908688
傳真：23702192
電郵：
網址：